მადრიდის "რეალის" ყოფილმა მთავარმა მწვრთნელმა ზინედინ ზიდანმა შესაძლოა კარიერა ინგლისის პრემიერლიგაში განაგრძოს. "მანჩესტერ იუნაიტედი" ფრანგი სპეციალისტის მომსახურებით არის დაინტერესებული, ამის შესახებ The Times იუწყება.
წყაროს ცნობით, „მანჩესტერ იუნაიტედის“ ხელმძღვანელობა ზიდანს ოლე-გუნარ სულშერის იდეალურ შემცვლელად ხედავს, რომლის ხელმძღვანელობითაც გუნდი არასტაბილურ შედეგებს აჩვენებს.
„წითელი ეშმაკები“ დარწმუნებულნი არიან, რომ მადრიდის "რეალის" ყოფილი ფეხბურთელების კრიშტიანუ რონალდუსა და რაფაელ ვარანის გუნდში ყოფნა გაზრდის ზიდანს ინგლისურ გრანდთან მუშაობის სურვილს. ვთქვათ ისიც, რომ მანამდე გავრცელდა ინფორმაცია, რომ მოსკოვის "ლოკომოტივის" სპორტისა და განვითარების ხელმძღვანელი რალფ რანგნიკი "მანჩესტერ იუნაიტედის" ახალი მწვრთნელის თანამდებობის ფავორიტია.
შეგახსენებთ, მედიაში გავრცელდა ინფორმაცია, რომ მანჩესტერული კლუბის ხელმძღვანელობა სულშერის გათავისუფლებას გარდაუვალ ნაბიჯად მიიჩნევს.
