უეფას კონფერენს ლიგაზე გიორგი ჩაკვეტაძემ საგოლე პასი გააკეთა. ბელგიური „გენტის“ ქართველმა ფეხბურთელმა თავისი გუნდი ბელგრადის „პარტიზანთან“ მარცხისგან იხსნა.
ბელგიელები შინ 0:1 მარცხდებოდნენ, როცა 72-ე წუთზე გიორგი ვადის ოჯიჯა-ოფოეს ნაცვლად შეცვლაზე ჩაერთო თამაშში და 80-ე წუთზე საგოლე გადაცემა მიითვალა. ჩაკვეტაძემ საჯარიმოში მარჯვენა ფლანგიდან ჩააწოდა და იქ ტარიკ ტისუდალიმ ზუსტად დარტყმა მოახერხა. საბოლოოდ, შეხვედრა ფრედ 1:1 დასრულდა.
„გენტი“ B ჯგუფში 10 ქულით ლიდერია და პლეი-ოფის საგზური გაინაღდა, მომდევნო ტურში კი 25 ნოემბერს, სტუმრად თემურ ქეცბაიას „ანორთოსისს“ დაუპირისპირდება.
