კალათბურთი

13:17 | 17.10.2021 | ნანახია [] - ჯერ

NBA-ში 2 ქართველი კალათბურთელი დარჩა - ბეჟანიშვილი "დენვერ ნაგეტსიდან" გაუშვეს

ქართველმა კალათბურთელმა გიორგი ბეჟანიშვილმა, რომელიც ავსტრიის მოქალაქეა „დენვერ ნაგეტსში“ ადგილის დამკვიდრება ვერ მოახერხა და ის გუნდიდან გაუშვეს. ინფორმაცია უკვე ოფიციალურად დადასტურდა.

22 წლის მძიმე ფორვარდს „ნაგეტსთან“ Exhibit 10 კონტრაქტი აკავშირებდა, რომლის მიხედვითაც გუნდს ნებისმიერ დროს შეუძლია კალათბურთელის გაშვება.

ამერიკული მედიის ინფორმაციით ბეჟანიშვილი და კიდევ 2 კალათბურთელი - ტერიკ ბლექი და დეივონ რიდი კარიერას „დენვერის“ განვითარების ლიგის კლუბში, „გრანდ რაპიდს გოლდში“ გააგრძელებენ.

შეგახსენებთ, რომ ბეჟანიშვილმა „ნაგეთსის“ შემადგენლობაში საზაფხულო ლიგაზე 3 მატჩი ჩაატარა. რაც შეეხება საგამოფენო შეხვედრებს, იქ 22 წლის შემტევს თამაშის შესაძლებლობა არ მისცემია. NBA-ში კი ამ ეტაპზე 2 ქართველი კალათბურთელია - "სანდრო მამუკელაშვილი "მილუოკი ბაქსის", ხოლო გოგა ბითაძე "ინდიანა პეისერსის" ღირსებას იცავენ.

0.183433