ფეხბურთი

23:00 | 28.09.2021 | ნანახია [] - ჯერ

სებასტიან ალეს რეკორდი ჩემპიონთა ლიგაზე

ჩემპიონთა ლიგის მეორე ტურში ამსტერდამის „აიაქსმა“ „ბეშიქთაშს“ უმასპინძლა, 2:0 მოუგო და სებასტიან ალემ რეკორდი დაამყარა.

კოტ დივუარელმა ფორვარდმა თურქული გუნდის კარში ერთი გოლი გაიტანა და ჩემპიონთა ლიგის ისტორიაში პირველი ფეხბურთელი გახდა, რომელმაც საწყის ორ მატჩში თავი გამოიჩინა. აფრიკელ შემტევს მანამდე არასდროს ეთამაშა ევროპის უპრესტიჟულეს ტურნირზე, ახლა კი ჯერ „სპორტინგთან“ პოკერი შეასრულა და მერე „ბეშიქთაშიც“ დაამწუხრა. შედეგად, 5 გოლით ბომბარდირთა დავაშიც გალიდერდა.

ზოგადად, „აიაქსი“ დიდებულ ფორმაშია და ორ ტურში 6 ქულა აქვს მოპოვებული. სავარაუდოდ, ერიკ ტენ ჰაგის გუნდს ჯგუფიდან გასვლა არ გაუჭირდება და შეიძლება გაცილებით შორსაც წავიდეს. "აიაქსი" იმდენად დიდებულ ფორმაშია, რომ ბოლო 5 მატჩში 24 გოლი გაიტანა, რაც წარმოუდგენელი შედეგია...

ჩემპიონთა ლიგაზე კიდევ ერთი მატჩი D ჯგუფში გაიმართა. დონეცკის „შახტარისა“ და მილანის „ინტერის“ დაპირისპირება ნულოვანი ფრით დასრულდა. სხვათა შორის, ეს გუნდები ჯგუფში გასულ სეზონშიც შეხვდნენ ერთმანეთს და მაშინაც ორივე თამაში 0:0 დასრულდა. „ინტერს“ ორ ტურში ერთადერთი ქულა აქვს, ისევე როგორც უკრაინულ გუნდს.

0.147455