სხვა

23:20 | 30.07.2021 | ნანახია [] - ჯერ

მძლეოსნობის ოლიმპიური ტურნირი მოულოდნალად დაიწყო

მძლეოსანთა ოლიმპიური ტურნირი დიდი მოულოდნალობით დაიწყო - 10 000 მეტრზე სირბილში ეთიოპიელმა ახალბედა სელემონ ბარეგამ მოიგო. 4x400 მეტრზე შერეულ ესტაფეტაში კი, რომელიც ოლიმპიურ პროგრამაში პირველადაა, აშშ-ის გუნდი დისკვალიფიკაციის გამო, ასპარეზობას გამოეთიშა.

მძლეოსნობის პირველ დღეს, მედლების კომპლექტი მხოლოდ 10 კილომეტრზე გათამაშდა. აქ ფავორიტი იყო უგანდელი მსოფლიო რეკორდსმენი ჯოშუა ჩეპტეგეი. მაგრამ როდესაც 21 წლის ბარეგამ შეტევა დაიწყო, ამას ჩეპტეგეისგან პასუხი არ მოჰყოლია. და ეთიოპიელმაც სენსაცია გამოაცხო. მან ფინიშს 27 წუთსა და 43.22 წამში მიაღწია.

ჩეპტეგეის კი ვერცხლის მოპოვებაც გაუჭირდა. ამისთვის მან ბოლო რამდენიმე ასეულ მეტრეზე უკანასკნელი ძალა მოიკრიბა და თავის 20 წლის თანაგუნდელ ჯაკობ კიპლიმოს ზედ ფინიშის ხაზთან გადაასწრო.

გარბენის დროს, ჰაერის ტემპერატურა 30 გრადუსი იყო, მაგრამ ჰაერის მაღალმა ტენიანობამ, მორბენლებს ძალა გამოაცალა და ისინი ფინიშის გადაკვეთის შემდეგ, ერთმანეთის მიყოლებით ეცემოდნენ სარბენ ბილიკზე. როგორც ჩანს, სიცხე და მაღალი ტენიანობა, მომდევნო დღეებშიც გადამწყვეტი ფაქტორი იქნება მძლეოსნების შეჯიბრის დროს.

ამავე მიზეზით, ჰოლანდიელი სიფან ჰასანისთვის ძნელი იქნება სამმაგი მისიის შესრულება - ის 10 000, 5 000 და 1 500 მეტრზე სირბილში იასპარეზებს. 5 კილომეტრზე გამოსვლა მან უკვე დაიწყო და იოლად მოიპოვა ფინალის (ორშაბათს არის) საგზური.

4x400 მეტრზე ესტაფეტა ოლიმპიადაზე პირველადაა. აქ თითო გუნდში, ორ-ორი ქალი და მამაკაცი მორბენალი ასპარეზობს. ამასთან, მიმდევრობას თავად გუნდები ირჩევენ.

ამერიკელებმა თავიანთი წინასწარი გარბენი იოლად მოიგეს, მაგრამ იმის გამო, რომ ერთხელ ამანათის გადაცემა ამისთვის გამოყოფილ მონკვეთზე ვერ შეძლეს, მათი შედეგი გაუქმდა და გუნდი შეჯიბრს გამოეთიშა. შაბათის ფინალში ასპარეზობის უფლება, ნიგერიელების გარდა, პოლონეთმა, ჰოლანდიამ, იამაიკამ და ბრიტანეთმაც მოიპოვეს.

0.112689