კალათბურთი

11:05 | 30.07.2021 | ნანახია [] - ჯერ

ზაზა ფაჩულია მამუკელაშვილზე: "ძალიან მიხარია და ვამაყობ, ამ მომენტით ისიამოვნე"

ლეგენდარული ქართველი კალათბურთელი ზაზა ფაჩულია NBA-ს დრაფტზე სანდრო მამუკელაშვილის არჩევას გამოეხმაურა, რომელიც კარიერას ლიგის მოქმედ ჩემპიონ "მილუოკი ბაქსიში" გააგრძელებს. როგორც ზაზამ სოციალურ ქსელში დაწერა, ის მამუკელაშვილით ამაყობს.

“ძალიან მახარებს ეს ამბავი, ორი ქართველი მსოფლიოს საუკეთესო ლიგაში. კეთილი იყოს ლიგაში შენი მობრძანება, ძმაო. ისიამოვნე ამ მომენტით, ძალიან ამაყი ვარ შენი და შენი ოჯახის გამო. "მილუოკი", ძალიან მაგარი ვინმე აიყვანეთ“, - წერს ფაჩულია.

მთლიანობაში სანდრო მამუკელაშვილი NBA-ში მეექვსე ქართველია ვლადიმერ სტეფანიას, ნიკოლოზ ცქიტიშვილის, ზაზა ფაჩულიას, თორნიკე შენგელიასა და გოგა ბითაძის შემდეგ. მომდევნო სეზონიდან სწორედ გოგა და სანდრო ითამაშებენ ეროვნულ საკალათბურთო ასოციაციაში. ზაზა ფაჩულია სწორედ "მილუოკიში" 2004-2005 და 2013-2015 წლებში თამაშობდა და მამუკელაშვილი "ბაქსის" ისტორიაში მეორე ქართველი კალათბურთელი გახდა.

შეგახსენებთ, სანდრო მამუკელაშვილი აქამდე სტუდენტურ ლიგაში, „სეტონ ჰოლის“ ღირსებას იცავდა და გასულ სეზონში სეზონში საშუალოდ 17.5 ქულას. 7.6 მოხსნას, 3.2 პასს და 1.1 ჩაჭრას აგროვებდა. „მილუოკი“ კი რამდენიმე დღის წინ NBA-ს ჩემპიონი გახდა, მას შემდეგ, რაც ფინალურ სერიაში „ფინიქს სანსი“ დაამარცხა.

0.149635