საქართველოს ეროვნული ნაკრების წევრების ნაწილი, რომლებიც სუპერლიგაში თამაშობდნენ, კლუბებს იცვლიან. ილია ლონდარიძე, რომელმაც გასული სეზონი საკალათბურთო კლუბ “ქუთაისში” გაატარა, კარიერას “ოლიმპში” გააგრძელებს.

ლონდარიძე გასულ სეზონში საშუალოდ 22:52 წუთს თამაშობდა და 12.6 ქულას, 6 მოხსნას და 1.8 პასს აკეთებდა. ილია ლონდარიძესთან ერთად მომავალ, 2021-2022 წლების სეზონში “ოლიმპის” ღირსებას დაიცავს გივი ბაქრაძე, რომელიც გასულ სეზონში “ვერაში” თამაშობდა. ბაქრაძის საშუალო სტატისტიკა ასეთი იყო: 31:44 წუთი, 11 ქულა, 5.4 პასი, 3.2 მოხსნა და 1.5 ჩაჭრა.

ოლიმპმა სამ კალათბურთელს კონტრაქტები გაუხანგძლივა. კლუბის ღირსებას მომავალ სეზონში ნაკრების წევრი კახა ჯინჭარაძე, ლუკა კალატოზიშვილი და 20-წლამდელთა ნაკრების წევრი ლევან გოგიჩაიშვილი დაიცავს.

GBF.GE