ფეხბურთი

0:12 | 17.07.2021 | ნანახია [] - ჯერ

ჩემპიონთა და ევროპა ლიგის ფინალის მასპინძლები 2025 წლის ჩათვლით ცნობილია

ჩემპიონთა ლიგის მომდევნო ოთხი ფინალის მასპინძელი ქალაქები ცნობილია. უეფამ საკუთარ ვებგვერდზე ამის შესახებ ოფიციალური განცხადება გაავრცელა.

მომდევნო სეზონის გადამწყვეტ შეხვედრას სანქტ-პეტერბურგი უმასპინძლებს, 2023 წელს სტამბოლი, 2024 წელს ლონდონი, ხოლო 2025 წელს - მიუნხენი.

სანქტ-პეტერბურგი (გაზპრომ არენა): 2021-2022 წლების სეზონი

სტამბოლი (ათათურქი): 2022-2023 წლების სეზონი

ლონდონი (უემბლი): 2023-2024 წლების სეზონი

მიუნხენი (ალიანს არენა): 2024-2025 წლების სეზონი

აღსანიშნავია, რომ ჩემპიონთა ლიგის ფინალი სტამბოლში ჯერ კიდევ 2020 წელს, შემდეგ 2021 წელს უნდა გამართულიყო, მაგრამ კორონავირუსის გამო ეს არ მოხდა. ამიტომაც, უეფამ თურქეთს ეს უფლება 2023 წლისთვის მიანიჭა.

ჩემპიონთა ლიგის ფინალების პარალელურად, ევროპა ლიგის ფინალის მასპინძელი ქალაქებიც დასახელდა და ამ შემთხვევაშიც მომდევნო ოთხი წლით:

სევილია (ესპანეთი): 2021-2022 წლების სეზონი

ბუდაპეშტი (უნგრეთი): 2022-2023 წლების სეზონი

დუბლინი (ირლანდია): 2023-2024 წლების სეზონი

ბილბაო (ესპანეთი): 2024-2025 წლების სეზონი

0.118584