ფეხბურთი

21:51 | 15.07.2021 | ნანახია [] - ჯერ

"გაგრამ" იბრძოლა, მაგრამ კონფერენს ლიგას გამოეთშა

საქართველოს თასის მოქმედი გამარჯვებული „გაგრა“ უეფას კონფერენს ლიგას პირველ ეტაპზე გამოეთიშა. გაგა კირკიტაძის გუნდი მონტენეგროს ვიცე-ჩემპიონ „სუტიესკასთან“ ორი მატჩის ჯამში დამარცხდა, მაგრამ ბოლომდე იბრძოლა და ოდნავ რომ გამართლებოდა, ვინძლო სხვა შედეგსაც მიაღწევდა.

პირველი მატჩი „გაგრამ“ 0:1 წააგო, მაგრამ საგოლე მომენტებიც ჰქონდა და შეეძლო იქ საერთოდ არ დამარცხებულიყო. ამდენად, თბილისში აუცილებლად მოსაგები ჰქონდა.

პირველ ტაიმში სტუმრები უკეთ თამაშობდნენ და უპირატესობას ფლობდნენ, თუმცა, რეალური საგოლე მომენტი პრაქტიკულად არ შექმნილა. აი, მეორე ტაიმი კი „გაგრასთვის“ ცუდად დაიწყო და ყველაზე აქტიურმა ნიკოლა იანიჩმა რამდენიმე მცველს შორის მოახერხა გაძრომა და მეკარესთან პირისპირ დარჩენილმა ანგარიში გახსნა, რითაც „სუტიესკას“ დიდი უპირატესობა მოუტანა.

„გაგრა“ გოლის შემდეგ გააქტიურდა, რადგან ორი გოლი ჰქონდა გასატანი, მაგრამ სამწუხაროდ, ამოცანის შესრულება ვერ მოახერხა. 86-ე წუთზე თამაზ მაქაცარიამ დაახლოებით 30 მეტრიდან დაარტყა და მეტოქის კარი ულამაზესი გოლით დალაშქრა. კირკიტაძის გუნდს კიდევ ჰქონდა მთლიანობაში 10 წუთი, თუმცა მონტენეგროელებმა თავი კარგად დაიცვეს.

ფრე 1:1 და ორი მატჩის ჯამში მომდევნო ეტაპზე „სუტიესკა“ გავიდა, მაგრამ „გაგრამ“ ყველაფერი გააკეთა, რაც შეეძლო და მთლიანობაში დუელის ბედი უფრო მეტმა გამოცდილებამ გადაწყვიტა.

„გაგრა“ – „სუტიესკა“ 1:1 (0:0) - ორი მატჩის ჯამში: 1:2

თბილისი, „მიხეილ მესხი“

„გაგრა“ (4-2-3-1): კერესელიძე; ხოსიტაშვილი, ნოზაძე, ჩადუნელი, ქობულაძე (გაზდელიანი 71); კაკიაშვილი (ვეკუა 59), სულთანიშვილი; სამუშია (მარკოზაშვილი 81), ხაბელაშვილი, ღვიშიანი (კიკაბიძე 71); მაქაცარია

მწვრთნელი: გაგრა კირკიტაძე

„სუტიესკა“ (4-2-3-1): გილიენი; გრივიჩი, დრინჩინი, ბუბანია, სტიეპოვიჩი; ჩაგასი, მატანოვიჩი (დუბლიევიჩი 89); ვუკოვიჩი (მიტროვიჩი 87), ერაკოვიჩი, იანიჩი (ვუჩიჩი 60); ნიკაჩი (მარუშიჩი 65)

მწვრთნელი: მილია სავოვიჩი

გოლები: 0:1 იანიჩი (51), 1:1 მაქაცარია (86)

გაფრთხილება: სულთანიშვილი (31), ქობულაძე (43), სამუშია (45), მაქაცარია (71), ნოზაძე (74) - მატანოვიჩი (75)

სტატისტიკა - კარისკენ დარტყმები: 6 (5) – 7 (5) ბურთის ფლობა: 54%-46% კუთხურები: 4:3 თამაშგარე: 1:0

მსაჯი: ფ. კარაკო (უნგრეთი)

0.122003