თელავში, „კავკასიონი არენაზე“ საქართველოს ეროვნული ლიგის 21-ე ტურის მატჩის მიმდინარეობისას გულშემატკივარი გარდაიცვალა. ტრაგედია „თელავი“ – „სამგურალის“ შეხვედრისას მოხდა.

70 წლის გულშემატკივარი შეუძლოდ გახდა და მიუხედავად იმისა, რომ ტრიბუნაზე მყოფმა გულშემატკივრებმა მას დახმარება გაუწიეს, მისი გადარჩენა ვერ მოხერხდა და სასწრაფო სამედიცინო დახმარების ბრიგადის მისვლამდე გარდაიცვალა.

„რუსთავი 2“-ის ცნობით, ტრაგედიის მიზეზი გულის შეტევა გახდა. WORLDSPORT.GE-ს რედაქცია უსამძიმრებს გარდაცვლილის ოჯახს.