რაგბი

14:09 | 3.07.2021 | ნანახია [] - ჯერ

სამხრეთაფრიკელი მომღერალი: "საქართველოს ჰიმნის შესრულება ჩემთვის დიდი პატივი იყო" (+VIDEO)

საქართველოს მორაგბეთა ნაკრები სამხრეთ აფრიკას ესტუმრა (9:40), ხოლო მატჩის წინ სამხრეთაფრიკელმა მომღერალმა მერიშან ლუიტერსმა საქართველოს ჰიმნი შეასრულა, თანაც დიდებულად და შექება დაიმსახურა.

ლუიტერსმა თამაშის შემდეგ სოციალურ ქსელში პოსტიც გამოაქვეყნა და დაწერა, რომ მისთვის საქართველოს ჰიმნის შესრულება დიდი პატივი იყო:

„რამდენიმე ფოტო გადავიღე, სანამ პირდაპირ ეთერში ვიმღერე საქართველოს ჰიმნი „თავისუფლება“ და დიდი პატივი იყო, რომ მოთამაშეებს მივსალმებოდი და მათ მშობლიურ ენაზე მემღერა. იმედი მაქვს, რომ ისინი ამაყობდნენ, როდესაც მათ ჰიმნს ვასრულებდი“, - დაწერა ინსტაგრამში მერიშანმა.

შეგახსენებთ, რომ საქართველოს ნაკრები სამხრეთ აფრიკასთან 9 ივლისს კიდევ ერთ ტესტ-მატჩს ჩაატარებს.

0.147428