გრაცის „შტურმმა“ ახალი სეზონისთვის მზადება დაიწყო და პირველი ამხანაგური თამაში ჩაატარა. ავსტრიული კლუბი ქვედალიგელ „იუნიორსს“ გაეჯიბრა და 6:0 გაანადგურა.

ოთარ კიტეიშვილმა ამ შეხვედრაში ორი საგოლე პასი მიითვალა. ქართველმა ნახევარმცველმა მეორე ტაიმი ითამაშა ჯერ იებოას დაეხმარა გატანაში, რომელიც მეკარესთან პირისპირ დატოვა და 72-ე წუთზე შტიუკლერმა გაიტანა მისი თავური პასით.

კიტეიშვილი „შტურმის“ ერთ-ერთი ლიდერია და გასულ სეზონში 26 შეხვედრაში თავი 7 გოლით და 5 საგოლე გადაცემით გამოიჩინა.