ფეხბურთი

0:39 | 15.06.2021 | ნანახია [] - ჯერ

"ლოკომოტივის" ზედიზედ მეხუთე გამარჯვება ეროვნულ ლიგაში

თბილისის „ლოკომოტივი“ შესანიშნავ ფორმაშია და საქართველოს კრისტალბეთ ეროვნულ ლიგაში ზედიზედ მეხუთე გამარჯვება იზეიმა. გიორგი ჭიაბრიშვილის გუნდმა მორიგი გამარჯვება ქუთაისის „ტორპედოსთან“ მოიპოვა.

პირველი ტაიმი უგოლოდ დასრულდა, მაგრამ მეორე ტაიმის სტარტზევე ირაკლი სიხარულიძემ მოახერხა ანგარიშის გახსნა. მერე იყო თორნიკე კირტიკაძის მეორე გოლი, რასაც ლაშა ჩალაძემ მალევე უპასუხა და თამაში ისევ დაიძაბა, მაგრამ „ლოკომ“ მაინც დამაჯერებლად მოიგო - საბოლოო შედეგი მამია გავაშელიშვილმა დააფიქსირა.

„ლოკომოტივმა“ მიჯრით მეხუთე გამარჯვების შემდეგ 30 ქულა დააგროვა, მესამე ადგილზეა და ლიდერთა დუეტს 5-5 ქულით ჩამორჩება.

„დინამო ბათუმმა“ ერთპიროვნული ლიდერობა დაკარგა, რადგან წყალტუბოში „სამგურალს“ ვერ მოუგო და ნულოვან ფრეს დასჯერდა. რის შედეგადაც, გია გეგუჩაძის გუნდს, ისევე, როგორც „დინამო თბილისს“ 35 ქულა აქვს და პირველ-მეორე ადგილებს იყოფენ.

გორის „დილა“ კრიზისშია და ეს კიდევ ერთხელ დადასტურდა. ანდრეი დემჩენკოს გუნდი 26 ქულით მეხუთე პოზიციაზეა, „თელავს“ კი მხოლოდ 9 ქულა აქვს, 16 ტურია არ მოუგია და ბოლო ადგილს იკავებს.

„ლოკომოტივი“ – „ტორპედო“ 3:1 (0:0)

გოლები: 1:0 სიხარულიძე (46), 2:0 კირკიტაძე (69), 2:1 ჩალაძე (76), 3:1 გავაშელიშვილი (85)

„დილა“ – „თელავი“ 1:1 (1:1)

გოლები: 0:1 შეყილაძე (17), 1:1 კაპანაძე (41)

„სამგურალი“ – „დინამო ბათუმი“ 0:0 (0:0)

0.156885