NBA-ს დრაფტის წინა მოსამზადებელი პერიოდი დაიწყო და ვარჯიში აქტიურად განაახლა ქართველმა კალათბურთელმა სანდრო მამუკელაშვილმა. 22 წლის ცენტრმა „შარლოტ ჰორნეტსის“ მიწვევით გუნდთან ერთად ივარჯიშა.
აღმოსავლეთ კონფერენციაში მოასპარეზე გუნდმა სოციალურ ქსელში ვარჯიშის ამსახველი ფოტოები გამოაქვეყნა, სადაც სანდრო მამუკელაშვილიც მოხვდა.
შეგახსენებთ, რომ დრაფტი ბრუკლინის ბარკლაის ცენტრში 29 ივნისს გაიმართება და მასზე ორი ქართველი კალათბურთელი - სანდრო მამუკელაშვილი და გიორგი ბეჟანიშვილი დადგებიან.
სანდრომ ეს გასულ წელსაც გააკეთა, თუმცა მალევე მისი კანდიდატურა მოხსნა და ერთი წელი კვლავ „სეტონ ჰოლში“ გაატარა და Big East-ის სეზონის საუკეთესო მოთამაშედაც აღიარეს.
