ფეხბურთი

17:08 | 1.06.2021 | ნანახია [] - ჯერ

ოფიციალურად: რუმენიგე "ბაიერნს" ტოვებს და მას ოლივერ კანი შეცვლის

მიუნხენის „ბაიერნის“ გენერალური დირექტორის პოსტს კარლ-ჰაინც რუმენიგე ვადაზე ადრე დატოვებს. „კალე“ გუნდიდან დეკემბერში უნდა წასულიყო, მაგრამ 30 ივნისს წავა. ამის შესახებ გერმანული გუნდის ვებგვერდი იტყობინება.

რუმენიგეს ოლივერ კანი შეცვლის და ეს ცნობაც ოფიციალურად დადასტურდა. გერმანელის თქმით, წასვლისთვის ზაფხული იდეალური დრო იყო:

"სტრატეგიულად ყველაზე ჭკვიანური მომენტია. ახალი თავი იწყება, ახალი მწვრთნელით და „ბაიერნის“ მომავლისთვის უმჯობესია ახალი სეზონი კანმა დაიწყოს“, - აღნიშნა გერმანელმა.

შეგახსენებთ, კარლ-ჰაინც რუმენიგე „ბაიერნში“ 1991-2002 წლებში ვიცე-პრეზიდენტის თანამდებობაზე მუშაობდა, ხოლო 2002 წლიდან გენერალური დირექტორი იყო. რაც შეეხება ოლივერ კანს, ის კლუბის დირექტორთა საბჭოში იყო დასაქმებული.

0.156559