ფეხბურთი

13:57 | 23.05.2021 | ნანახია [] - ჯერ

ჰანსი ფლიკი: "ბაიერნი" მომენატრება, ვარჯიშზე ბიჭების შრომა შედეგში აისახა"

ჰანს-დიტერ ფლიკი მიუნხენის "ბაიერნს" დაემშვიდობა. "აუგსბურგთან" (5:2) მატჩის შემდეგ ფლიკმა განაცხადა, რომ გუნდი ძალიან მოენატრება და ფეხბურთელების მიერ ვარჯიშზე გაწეული შრომა შედეგებში აისახა.

"გუნდი მომენატრება. ის, რაც ბიჭებმა აჩვენეს ყველა ვარჯიშზე, ყველა მატჩზე და თუ როგორ იბრძოდნენ, ასახულია მათ მიღწევებში. გუნდში კარგი ატმოსფეროა. მე ძალიან ვამაყობ მათთან მუშაობით, ძალიან კარგი იყო ამ გუნდში ყოფნა. ყველას მადლობა მინდა გადავუხადო.

ძალიან ბედნიერი ვარ ლევანდოვსკის გამო, გოლის გასატანად დიდხანს მოუწია ლოდინი. ერთ მომენტში თანაშემწესაც ვუთხარი, რომ ამას ვეღარ შეძლებდა, მაგრამ ის ერთ-ერთია, ვინც არ ნებდება. ჩვენ ყველანი ერთად ვიმარჯვებდით და ეს ყველაზე მნიშვნელოვანი იყო, ყველა თავის საქმეს აკეთებდა", - თქვა ფლიკმა.

შეგახსენებთ, ჰანსი ფლიკმა ორ არასრულ სეზონში "ბაიერნს" 7 ტიტული მოაგებინა და ის დიდი ალბათობით მუშაობას გერმანიის ნაკრებში გააგრძელებს, ხოლო "რეკორდმაისტერში" მის ადგილს იულიან ნაგელსმანი დაიკავებს.

0.151426