ფეხბურთი

1:24 | 18.05.2021 | ნანახია [] - ჯერ

თორნიკე ოქრიაშვილი: "6-7 წინადადება მაქვს და საუკეთესო გადაწყვეტილებას მივიღებ"

ფამაგუსტას „ანორთოსისის“ ნახევარმცველმა თორნიკე ოქრიაშვილმა თავის მომავალზე ისაუბრა. როგორც მან აღნიშნა, რამდენიმე წინადადება აქვს და სავარაუდოდ, კვიპროსში არ დარჩება, მაგრამ საბოლოო გადაწყვეტილებას მაისის ბოლოს მიიღებს.

„მე მქონდა პრეზიდენტთან შეხვედრა ჩემს მომავალთან დაკავშირებით. რამდენიმე შემოთავაზება მაქვს, მაგრამ არ მიყვარს საუბარი, სანამ კონტრაქტს არ გავაფორმებ. ალბათ, „ანორთოსისში“ არ დარჩები და არც კვიპროსში, მაგრამ აქ გატარებული პერიოდი და ყველაფერი მომენატრება.

მაქვს წინადადებები რუსეთიდან, თურქეთიდან, კვიპროსიდან, საუდის არაბეთიდან, სამხრეთ კორეიდან. 6-7 წინადადებაა მაქვს კონტრაქტის გასაფორმებლად. ასევე არის, „ომონიასა“ და „აპოელის“ წინადადებები, მაგრამ ხელი არაფერზე მომიწერია. ახლა საქართველოში წავალ ნაკრებში სათამაშოდ და მაისის ბოლოს გადავწყვეტ სად ვითამაშებ. „ომონიას“ და „აპოელის“ წინადადებები ოფიციალურია. კვიპროსში დარჩენა? არ ვიცი, ფეხბურთში არასოდეს იცი რა მოხდება.

იანვარში, კონტრაქტის ამოწურვამდე 6 თვით ადრე „ომონია“ მიწვევდა, მაგრამ არ გავაფორმე ხელშეკრულება. ბევრად უკეთეს შემოთავაზებებს ველოდი, ვფიქრობ, რომ დავიმსახურე და მინდა ჩემთვის საუკეთესო პერსპექტივა ავირჩიო“, - თქვა ოქრიაშვილმა.

შეგახსენებთ, მიმდინარე სეზონში თორნიკე ოქრიაშვილმა კვიპროსის ჩემპიონატის 20 შეხვედრაში თავი 9 გოლით გამოიჩინა და კვიპროსის თასი მოიგო. მას კლუბთან კონტრაქტი ეწურება და სავარაუდოდ, ახალ კლუბში გადაბარგდება.

0.142802