ბირმინგემში, „ვილა პარკის“ სტადიონზე, პრემიერლიგის 35-ე ტურის მატჩი გაიმართა, „ასტონ ვილამ“ „მაჩესტერ იუნაიტედს“ უმასპინძლა და 1:3 დამარცხდა.
24-ე წუთზე, ცხრიანში შესანიშნავი დარტყმით ანგარიში მასპინძელმა ბერტრან ტრაორემ გახსნა, თუმცა შესვენების შემედეგ სტუმრების ჯერი დადგა: ბრუნუ ფერნანდეშმა (პენალტით), მეისონ გრინვუდმა და ედინსონ კავანიმ სამჯერ დაამწუხრეს ბირმინგემელები.
ბოლოსკენ მასპინძლები კაცნაკლულნი დარჩნენ. მსაჯმა 85-ე წუთზე ოლი უოტკინსი გააძევა.
„მანჩესტერმა“ ამ ტურის შემდეგ 70 ქულა მოაგროვა და 10 პუნქტით ჩამორჩება ლიდერ „სიტის,“ თუმცა თამაშით ნაკლები აქვს.
„ასტონ ვილა“ კი 48 ქულით ცხრილში მეთერთმეტეა.
