უნგრეთის ჩემპიონატის ბოლო ტურში „უიპეშტის“ ქართველმა შემტევმა გიორგი ბერიძემ გოლი გაიტანა და სეზონი შედეგიანად დაასრულა.

„უიპეშტმა“ შინ „ზალაეგერშეგს“ დრამატულ ბრძოლაში 5:4 მოუგო. ჩვენებურმა შეუცვლელად ითამაშა და ბოლო წუთზე გამარჯვების გოლი გატანა, რითაც თავის გუნდს უმძიმეს ბრძოლაში 3 ქულა მოუტანა. გიორგი მანამდეც აქტიური იყო: მე-16 წუთზე საგოლე პასი მიითვალა და ანტონოვმა იმ დროისთვის ანგარიში გაათანაბრა (1:1), ხოლო 88-ე წუთზე მასთან უხეშობისთვის მეტოქე გააძევეს და "ზალაეგერშეგი" რიცოხბრივ უმცირესობაში დარჩა. იქამდე, ორი წუთით ადრე ბერიძე მეკარესთან პირისპირ გავიდა და ვერ გაიტანა, მაგრამ როგორც ვთქვით, ბოლო წუთზე გაიტანა, თანაც უფრო რთული ვითარებიდან და "უიპეშტს" 5:4 მოაგებინა.

გიორგის უნგრეთის ჩემპიონატის 2020-2021 წლების სეზონი ჩატარებულ 25 მატჩში 10 გოლით დაასრულა და ამას აუცილებლად უნდა დავამტოთ უნგრეთის თასზე გატანილი 6 გოლიც. ასე რომ, ქართველ შემტევს ძალზე წარმატებული სეზონი გამოვუიდა, 16 გოლი გაიტანა და ტიტულიც მოიგო.

„უიპეშტი“ 42 ქულით მეექვსე ადგილზე გავიდა, მაგრამ ევროტურნირებზე თამაშის უფლება თასის მოგებით გაინაღდა.