ფეხბურთი

21:43 | 4.05.2021 | ნანახია [] - ჯერ

ოფიციალურად: ხავი მარტინესი ზაფხულში "ბაიერნს" დატოვებს

მიუნხენის „ბაიერნს“ სეზონის დასრულების შემდეგ ხავი მარტინესი დატოვებს. „რეკორდმაისტერის“ ვებგვერდმა ინფორმაცია ოფიციალურად დაადასტურა. ესპანელ ნახევარმცველს კონტრაქტი ეწურება და მას არ გაახანგრძლივებს.

32 წლის მარტინესი ჟერომ ბოატენგისა და დავიდ ალაბას შემდეგ მესამე ფეხბურთელია, რომელიც ზაფხულში თავისუფალი აგენტის სტატუსით წავა.

„ამ კლუბისთვის ვცხოვრობდი. მე ყოველთვის მაქსიმალურად ვიხარჯებოდი და ძალიან ბედნიერი ვარ, რომ ერთად ტიტულები მოვიგეთ. „ბაიერნი“ და მისი გულშემატკივრები მუდამ ჩემს გულში დარჩებიან“, - თქვა ესპანელმა.

შეგახსენებთ, რომ ხავი მარტინესი „ბაიერნში“ 2012 წელს გადავიდა დამას შემდეგ მიუნხენურ გრანდში ჩატარებულ 266 მატჩში 14 გოლი გაიტანა. პირინელმა ფეხბურთელმა მიუნხენელთა რიგებში ბუნდესლიგა რვაჯერ, გერმანიის თასი ხუთჯერ, გერმანიის სუპერთასი ოთხჯერ, ჩემპიონთა ლიგა, ევროპის სუპერთასი და ფიფას მსოფლიოს საკლუბო ჩემპიონატი ორ-ორჯერ მოიგო. მანამდე ესპანელი ბილბაოს „ატლეტიკის“ ღირსებას იცავდა და 251 შეხვედრაში თავი 26-ჯერ გამოიჩინა.

0.16615