ფეხბურთი

17:45 | 29.04.2021 | ნანახია [] - ჯერ

ოფიციალურად: ჯანო ანანიძე "დინამო თბილისის" ფეხბურთელია

საქართველოს მოქმედმა ჩემპიონმა „დინამო თბილისმა“ ჯანო ანანიძე დაიმატა. ინფორმაცია თბილისური კლუბის ვებგვერდმა ოფიციალურად დაადასტურა.

ანანიძემ „დინამოსთან“ 1+1-წლიანი კონტრაქტი გააფორმა და 7-ნომრიანი მაისური მოირგო. აღსანიშნავია, რომ ჯანოს კარიერაში „დინამო თბილისი“ პირველი ქართული კლუბია.

ანანიძე სექტემბრიდან მოყოლებული, როდესაც ვოლგოგრადის „როტორთან“ კონტრაქტი გაწყვიტა, უკლუბოდ იყო და ჯერ „დინამო ბათუმში“ ვარჯიშობდა, ბოლო ხანს „დინამო თბილისში“ და კონტრაქტიც გააფორმა.

28 წლის ნახევარმცველს კარიერის უდიდესი ნაწილი მოსკოვის „სპარტაკში“ აქვს გატარებული, გარდა ამისა, „როსტოვის“, „კრილია სოვეტოვის“, „ანორთოსისისა“ და „როტორის“ ღირსებას იცავდა. საქართველოს ნაკრებში ჯანო ანანიძის ანგარიშზე 43 მატჩი და 7 გოლია.

0.151252