ფეხბურთი

13:56 | 26.04.2021 | ნანახია [] - ჯერ

"იუვენტუსი" ხვიჩა კვარაცხელიას 20 მილიონ ევროდ შეიძენს!

საქართველოს ნაკრებისა და ყაზანის „რუბინის“ ნახევარმცველ ხვიჩა კვარაცხელიას ზაფხულში ტურინის „იუვენტუსი“ შეიძენს. ინფორმაციას Juventusnews24-ი ავრცელებს.

როგორც გამოცემა წერს, "ბებერი ქალბატონის" სპორტულ დირექტორ ფაბიო პარატიჩის 20 წლის ქართველი ფეხბურთელის ყიდვა გადაწყვეტლი აქვს, უკვე მიაღწია წინასაწარ შეთანხმებასაც და რუსულ კლუბს მის სანაცვლოდ 20 მილიონ ევროსაც გადაუხდის. თუმცა, ამისთვის ერთადერთი წინაპირობა არსებობს - „იუვემ“ ჩემპიონთა ლიგის საგზურს უნდა მოიპოვოს. ამჟამად ტურინელები 66 ქულით „მილანთან“ ერთად მესამე-მეოთხე ადგილს იყოფენ და სეზონის ბოლომდე 5 ტურია დარჩენილი.

აღსანიშნავია, რომ „იუვეში“ მენეჯმენტის ცვლილებასაც ელოდებიან, იმავე პარატიჩისაც ადგილი გარანტირებული არ აქვს. თუმცა, იტალიურ კლუბთან დაახლოებული წყარო წერს, რომ ტრანსფერი თითქმის შეთანხმებულია. იტალიური კლუბი ბოლო პერიოდშ აქცენტს ახალგაზრდა ფეხბურთელებზეც აკეთებს და "იუვეს" ინტერესის შესახებ აქამდეც არაერთხელ გავრცელებულა ინფორმაცია.

შეგახსენებთ, რომ ხვიჩა კვარაცხელიას „რუბინთან“ კონტრაქტი 2024 წლამდე აკავშირებს. მან მიმდინარე სეზონში 23 მატჩში 4 გოლი გაიტანა, 4 საგოლე პასი გააკეთა და 4-ჯერ პენალტი მოიპოვა.

0.152282