სხვა

19:39 | 20.04.2021 | ნანახია [] - ჯერ

"დინამო თბილისის" გამარჯვება ჩემპიონთა ლიგაზე და პლეი-ოფის შანსი

წყალბურთის ჩემპიონთა ლიგაზე „დინამო თბილისმა“ მერვე ტურის შეხვედრა ჩაატარა და უმნიშვნელოვანესი გამარჯვება მოიპოვა, რითაც საუკეთესო 8 გუნდში მოხვედრის შანსი გაიზარდა.

დეიან სტანოიევიჩის გუნდი „იადრანს“ დაუპირისპირდა და სერიოზული პრობლემების გარეშე დაამარცხა. „დინამოს“ წყალბურთელები შესანიშნავად თამაშობდნენ და საწყისი სამი პერიოდი თავის სასარგებლოდ დაასრულეს. შედეგად, ბოლო მეოთხედის წინ მნიშვნელოვანი უპირატესობა ჰქონდათ და 10:6-ს იგებდნენ.

ეს ფორა თბილისელებს ხელიდან არ გაუშვით და საბოლოოდ, გამარჯვებაც იზეიმეს - 13:10. „დინამოს“ რიგებში 2-2 გოლი მარკო იელაჩამ, რევაზ იმნაიშვილმა, ანდრია ბითაძემ, გიორგი მაგრაქველიძემ, დუშან ვაშიჩმა და ბბორის ვაპენსკიმ გაიტანეს.

„დინამო თბილისს“ 8 ტურში 6 ქულა აქვს მოპოვებული მეშვიდე ადგილზეა და 21 აპრილს, „ჰანოვერთან“ გამარჯვების შემთხვევაში მეოთხედფინალში თამაშის უფლებას მოიპოვებს.

„იადრანი“ – „დინამო თბილისი“ 10:13 (3:4, 1:2, 2:4, 4:3)

გოლები: 1:0 ბანიჩევიჩი, 1:1 ვაპენსკი, 2:1 ავერკა, 2:2 იმნაიშვილი, 2:3 მაგრაქველიძე, 3:3 ავერკა, 3:4 ვაშიჩი, 4:4 რადოვიჩი, 4:5 ვაშიჩი, 4:6 ბითაძე, 4:7 დადვანი, 4:8 მაგრაქველიძე, 4:9 იელაჩა, 5:9, ავერკა, 5:10 ვაპენსკი, 6:10 ობრადოვიჩი, 6:11 იმნაიშვილი, 7:11 ავერკა, 8:11 ვუიოვიჩი, 8:12 ბითაძე, 9:12 რადოვიჩი, 10:12 გარდასევიჩი, 10:13 იელაჩა

0.149482