"მანჩესტერ სიტის" მთავარმა მწვრთნელმა პეპ გვარდიოლამ პრესკონფერენციაზე განაცხადა, რომ შესაძლოა კლუბმა ფინანსური პრობლემების გამო ზაფხულში სერხიო აგუეროს შემცვლელი არ დაიმატოს. უკვე ცნობილია, რომ სერხიო გუნდს ზაფხულში დატოვებს.
"დიდი შანსია, რომ არ დავაპიროთ ახალი თავდამსხმელის დამატება ზაფხულში. პირველ გუნდში საკმარისი ფეხბურთელები გვყავს და ასევე აკადემიაში საინტერესო მოთამაშეები, ასე რომ არის დიდი შანსი ეკონომიკური სიტუაციის გათვალისწინებით შემდეგი სეზონისთვის თავდამსხმელი არ დავიმატოთ. ასეთი ფასების პირობებში არ ვაპირებთ ტრანსფერის განხორციელებას." - ციტირებს Sky Sports-ი ესპანელის სიტყვებს.
სერხიო აგუეროს დაანონსებული წასვლის შემდეგ ინგლისურმა გამოცემებმა დაიწყეს საუბარი მის შემცვლელებზე. "სიტის" ერლინ ჰოლანს, ჰარი კეინს და რომელუ ლუკაკუს უკავშირებენ.
