საერთაშორისო საავტომობილო ფედერაციის პროექტი სახელწოდებით FIA Rally Star-ის საქართველოს შესარჩევი ეტაპები დასრულდა.
ფინალური შესარჩევი ეტაპი ოლიმპიური ქალაქის მიმდებარე ტერიტორიაზე გაიმართა. ღონისძიებაში 3 სხვადსხვა რეგიონალური ეტაპის (თბილისი, რუსთავი, ქუთაისი) 60 საუკეთესო შედეგის მქონე ბიჭი და 8 გოგონა იღებდა მონაწილებას. შესარჩევის ფორმატის ფარგლებში მონაწილეებმა მოცემული ტრასა ჩქაროსნული სლალომით 2-ჯერ გაიარეს. ხოლო საუკეთესო 13 მონაწილე ბიჭი და 5 გოგონა შესარჩევის მეორე ეტაპზე გადავიდა, სადაც მათ შედარებით რთული მონაკვეთის გავლა მოუწიათ.
საბოლოოდ, ცნობილია საუკეთესო შედეგის მქონე 4 ბიჭი და 1 გოგონა, რომლებიც საქართველოს სახელით ევროპის კონტინეტურ ფინალში მიიღებენ მონაწილეობას.
პროექტმა საქართველოს საავტომობილო სპორტის ფედერაციის ორგანიზებით საერთო ჯამში 300-მდე ავტომოყვარული ახალგაზრდის ჩართულობა მოიცვა.ღონისძიების მხარდამჭერია თბილისის მერია , საქართველოს საპატრულო პოლიცია და განათლების, მეცნიერების ,კულტურისა და სპორტის სამინისტრო და ქუთაისის მუნიციპალური მერია.
პროექტის მიზანი მსოფლიოს გარშემო პოტენციური, ნიჭიერი, ახალგაზრდა ავტოსპორტის მოყვარული ადამიანების აღმოჩენა და ერთ-ერთი ყველაზე პოპულაური საავტომობილო დისციპლინის "რალი"-ს სუპერვარსკვლავებად ჩამოყალიბებაა.
ევროპის კონტინენტური ფინალის მონაწილე ხუთეული კი შემდეგნაირია:
1.ოთარ ესართია 1. სალომე მჭედლიშვილი
2. ნიკა ბილისეიშვილი
3. ალექსანდრე შაკულაშვილი
4. ნიკოლოზ ბექაური