სხვა

3:06 | 5.03.2021 | ნანახია [] - ჯერ

ტურ დე ფრანსის ჩემპიონს ტკივილთან შეგუება უწევს

ტურ დე ფრანსის 2019 წლის ჩემპიონი, კოლუმბიელი ეგან ბერნალი ამბობს, რომ 2021 წლის სეზონში ზურგის ტკივილთან შეგუება მოუწევს, რომელმაც შარშანდელ ტურზე, ტიტულის დაცვისთვის ბრძოლის საშუალება არ მისცა. თუმცა ფიქრობს, რომ ეს მის შემტევ სტილს არ დააზარალებს.

24 წლის ბერნალი ამ სეზონში ტურზე გამოსვლას არ გეგმავს. ყოველ შემთხვევაში, ასე გადაწყვიტა მისმა გუნდმა „ინეოს გრენადერსმა“. ასე იმის გამო მოხდა, რომ ბრიტანულმა გუნდმა, თავისი ვარსკვლავები სამივე ველომარათონზე გადაანაწილა და ბერნალს ჯიროზე გამოსვლა „შეხვდა“.

ბერნალმა წინა თვეში მონაწილეობა მიიღო ტურ დე ლა პროვენსში, რომლის ერთ-ერთ ეტაპზე, ლეგენდარულ მთა მონ ვენტოზე ასვლამ მოუწია. „წლევანდელ ჯიროზე ჩემი მიზანი ისაა, რომ ყველამ ისევ ძველი ეგანი ნახოს, რომელსაც შეტევა მოსწონს. ეგანი, რომელსაც არ ეშინია იმის, რომ ვინმე ჩამოიტოვებს. ვენტოზე ასვლისას, ზურგის ტრავმას ჩემთვის პრობლემები არ შეუქმნია“, - ყვება ბერნალი, თუმცა იმასაც აცნობიერებს, რომ სულ ასე ვერ იქნება:

„სამწუხაროდ, ვიცი, რომ სულ ცოტა მიმდინარე სეზონში, ტკივილთან შეგუება მომიწევს. მხოლოდ ის მინდა, რომ რბოლებით სიამოვნება მივიღო. რა მოხდება, მოხდეს. თავს არ ვზოგავ, რომ ჯიროსთვის სრულ მზადყოფნაში ვიყო. თუმცა გამარჯვებისთვის სხვებიც ემზადებიან“.

0.118975