კალათბურთი

22:13 | 2.02.2021 | ნანახია [] - ჯერ

გიორგი შერმადინმა ლიგა ენდესაში იანვრის თვის MVP-ის ტიტული მიიღო (+VIDEO)

საქართველოს ნაკრების კალათბურთელი გიორგი შერმადინი ლიგა ენდესას იანვრის საუკეთესო მოთამაშე გახდა. ესპანეთის ჩემპიონატში გასული თვის შედეგების მიხედვით გიორგის მარგი ქმედების კოეფიციენტი საშუალოდ 27-ს გაუტოლდა და ეს საუკეთესო მაჩვენებელი გამოდგა. შესაბამისად, თვის MVP-ის ტიტული ერგო.

„ლენოვო ტენერიფეს“ ქართველმა კალათბურთელმა იანვარში 5 მატჩი ჩაატარა და საშუალოდ თამაშში 20.6 ქულას, 5.6 მოხსნას, 3.5 პასს, 1.5 ჩაჭრასა და 0.8 დაფარებას აგროვებდა. გიორგიმ 60-დან 41 ორქულიანი და 24-დან 21 საჯარიმო მოათავსა კალათში.

ცნობისთვის, შერმადინის გუნდს „იბეროსტარ ტენერიფე“ აღარ ჰქვია, მისი მთავარი სპონსორი ცოტა ხნის წინ „ლენოვო“ გახდა და გუნდის სახელიც ამ დღიდან „ლენოვო ტენერიფეა“.

აქვე გეტყვით, რომ „ტენერიფე“ ლიგა ენდესაში 17 გამარჯვებით და 4 მარცხით მესამე ადგილზეა, გიორგი შერმადინი კი მიმდინარე სეზონში მეორედ გახდა თვის MVP. პირველად ის ოქტომბერში გამოარჩიეს.

0.13868