„ნაპოლის“ მთავარმა მწვრთნელმა ჯენარო გატუზომ განაცხადა, რომ ბოლო პერიოდში კლუბის პრეზიდენტის აურელიო დე ლაურენტისის საქციელით იმედგაცრუებულია. „რინომ“ ამის შესახებ „პარმასთან“ (2:0) მატჩის შემდეგ ისაუბრა.
„პრესა ისე გვიყურებს, თითქოს ბოლოდან მეორე ადგილზე ვიყოთ. ფეხბურთელების მიმართ გარკვეული კრიტიკა შეიძლება არსებობდეს, მაგრამ მე პრესას არ ვკითხულობ. ახლა მოვიგეთ, მაგრამ თუ მომდევნო ორ მატჩს წავაგებთ, ისევ ამ თემას დავუბრუნდებით.
დე ლაურენტისთან ყოველთვის კარგი ურთიერთობა მქონდა, მაგამ ვერ უარვყოფ, რომ ბოლო 15-20 დღის განმავლობაში გარკვეული იმედგაცრუება განვიცადე ყველაფერთან დაკავშირებით. მე ფარისეველი არ ვარ, მას პატივს ვცემ. მისი დაქირავებული თანამშრომელი ვარ, ბაკაიოკოს ტრანსფერი ვთხოვე და მან ის შეიძინა. თუმცა, მე არასდროს დავიწყებ სხვა გუნდებთან საუბარს, მიუხედავად იმისა, რომ შეთავაზებები მქონდა“, - თქვა კასანომ.
შეგახსენებთ, ბოლო პერიოდში გატუზოს შესაძლო გათავისუფლებაზე ხშირად საუბრობენ და „ნაპოლის“ რაფაელ ბენიტესს უკავშირებენ. ნეაპოლიტანური გუნდი სერია A-ში 20 ტურის შემდეგ 37 ქულით მეხუთე ადგილზეა.
