საფეხბურთო კლუბ „ტორინოს“ ოფიციალური ვებ-გვერდი გვამცნობს, რომ გუნდს ახალი მთავარი მწვრთნელი, 47 წლის დავიდე ნიკოლა ჰყავს.
სპეციალისტმა სამწვრთნელო კარიერა 2010 წელს დაიწყო. 2016-17 წლების სეზონში მისმა კარგმა მუშაობამ „კროტონეს“ სერია A-ში ადგილი შეუნარჩუნა. 2020 წელს კი მანვე „ჯენოა“ გადაარჩინა ელიტიდან გავარდნას.
შეგახსენებთ, რომ რამდენიმე დღის წინათ, ცუდი შედეგების გამო, „ტორინომ“ მთავარი მწვრთნელის პოსტიდან 53 წლის შვეიცარიელი სპეციალისტი, მარკო ჯამპაოლო გაათავისუფლა.
„ტორინო“ 18 ტურის შემდეგ, 13 ქულით სატურნირო ცხრილში მე-18 ადგილზე, გასავარდნ ზონაშია. ამდენივე ქულა აქვს „პარმას,“ ბოლო ადგილზე 12 ქულიანი „კროტონეა.“ ლიდერი კი 43 ქულით „მილანია.“
