ფრანკფურტის „აინტრახტში“ ლუკა იოვიჩი დაბრუნდა. როგორც გერმანული გუნდის ვებგვერდი იტყობინება, სერბი კლუბში მიმდინარე სეზონის ბოლომდე იჯარით ითამაშებს.
იოვიჩისთვის „აინტრახტი“ ნაცნობი გუნდია, იქ 2017-2019 წლებში კარიერის საუკეთესო პერიოდი გაატარა და 75 მატჩში 27 გოლი გაიტანა. სწორედ ფრანკფურტელებიდან იყიდა „რეალმა“ 2019 წელს 70 მილიონი ევროს სანაცვლოდ.
თუმცა, იოვიჩმა „რეალში“ საოცრად წარუმატებელი წელიწადნახევარი გაატარა, 32 თამაშში თავი 2 გოლით გამოიჩინა და გულშემატკივარს თავი ვერაფრით დაამახსოვრა.
