გერმანიის ბუნდესლიგის მე-10 ტურში ვერცერთმა ლიდერმა ვერ მოიგო. „ბაიერნი“ და „ლაიფციგი“ ერთმანეთს დაუპირისპირდნენ, ხოლო „დორტმუნდმა“ მორიგი ქულები ფრანკფურტში დატოვა.

ტურის მთავარი დაპირისპირება კი „ალიანც არენაზე“ შედგა და თამაშმა მოლოდინი გაამართლა. მიუნხენის „ბაიერნს“ ბოლო პერიოდში დაცვის ხაზში პრობლემები რომ აქვს, ეს გამოჩნდა და ამ შეხვედრამ კიდევ ერთხელ დაადასტურა. მიუნხენელთა დაცვაში სამჯერ გაჩნდა უფსკრული და სამჯერვე „ლაიფციგმა“ გოლი გაიტანა. პირველ გოლში ვერც მანუელ ნოიერმა შეაფასა სიტუაცია სათანადოდ და კარი გაუმართლებად მიატოვა, რის შედეგადაც ნკუნკუმ ცარიელ კარში გაიტანა. „ბაიერნმა“ სწრაფად მოახერხა დაწინაურება. მუსიალასა და მიულერის გოლებით, მაგრამ სტუმრები ორი წუთი აგებდნენ და ჯასტინ კლუივერტმა გაათანაბრა.

მეორე ტაიმის სტარტზე კი ემილ ფორსბერგმა იულიან ნაგელსმანის გუნდი თამაშში მეორედ დააწინაურა. ჰანსი ფლიკის გუნდმა უკან მოუხედავად შეუტია და საფინალო სასტვენამდე 15 წუთი ადრე, ტომას მიულერის დუბლით ქულა მაინც გადაარჩინა - 3:3. შედეგად, „ბიერნმა“ ლიდერობა შეინარჩუნა და „ლაიფციგს“ ისევ ორი ქულით უსწრებს.

დორტმუნდის „ბორუსია“ „აინტრახტთან“ მარცხს გადაუჩა. მასპინძლები მეცხრე წუთზე დაწინაურდნენ, სტუმრებმა კი ეს გოლი მეორე ტაიმში გაქვითეს და შინ დაბრუნება მხოლოდ ქულით მოახერხეს. ამრიგად, „დორტმუნდმა“ „ბაიერნთან“ ოთხქულიანი ჩამორჩენის ორამდე შემცირების შანსი ხელიდან გაუშვა.

„ვოლფსბურგს“ შეეძლო მეათე ტურის თავზე ოთხეულში ყოფილიყო, მაგრამ „მგლები“ სტუმრად „კიოლნთან“ მოგებას ვინ ჩივის და წაგებას გადაურჩნენ - 2:2.

„კიოლნი“ – „ვოლფსბურგი“ 2:2 (2:1)

გოლები: 1:0 ტილემანი (18), 1:1 არნოლდი (29), 2:1 დუდა (43), 2:2 ვერგოსტი (47)

„არმინია“ – „მაინცი“ 2:1 (2:0)

გოლები: 1:0 პრიეტი (21), 2:0 დოანი (31), 2:1 სტოგერი (82)

„აინტრახტი“ – „დორტმუნდი“ 1:1 (1:0)

გოლები: 1:0 კამადა (9), 1:1 რეინა (56)

„ფრაიბურგი“ – „გლადბახი“ 2:2 (1:1)

გოლები: 0:1 ემბოლო (23), 1:1 ლინჰარტი (32), 2:1 გრიფო (49, პენ), 2:2 პლეა (50)

„ბაიერნი“ – „ლაიფციგი“ 3:3 (2:2)

გოლები: 0:1 ნკუნკუ (19), 1:1 მუსიალა (30), 2:1 მიულერი (34), 2:2 კლუივერტი (36), 2:3 ფორსბერგი (48), 3:3 მიულერი (75)