ფეხბურთი

0:18 | 27.11.2020 | ნანახია [] - ჯერ

ლოჩოშვილის 90 წუთი და გიორბელიძის დებიუტი ევროპა ლიგაზე

ევროპა ლიგაზე ავსტრიული „ვოლფსბერგერის“ შემადგენლობაში ორმა ქართველმა ფეხბურთელმა ითამაშა. ლუკა ლოჩოშვილისგან ამას თუ მიჩვეულები ვართ, სიახლე იყო გურამ გიორბელიძის გამოჩენა, რომლის ოფიციალური დებიუტი შედგა.

გიორბელიძე ავსტრიულ გუნდში ზაფხულში გორის „დილადან“ გადავიდა, მაგრამ ტრავმა მიიღო და ამ დებიუტი ამ დრომდეც ამიტომ გადაედო.

„ვოლფსბერგერმა“ მეოთხე ტურში შინ ზაგრების „დინამოსთან“ წააგო (0:3) და ხორვატებმა სამივე გოლი მატჩის ბოლო ნახევარ საათში გაიტანეს. გიორბელიძე 81-ე წუთზე ცვლილებაზე შევიდა. ლოჩოშვილმა კი დაცვის ცენტრში ტრადიციულად შეუცვლელად ითამაშა. ლუკას 10 მატჩი დაუგროვდა ამ სეზონში, აქედან 4 ევროპა ლიგის ჯგუფურ ეტაპზე.

„ვოლფსბერგერს“ 4 ტურის თავზე 4 ქულა აქვს და მესამე ადგილზეა. ავსტრიელები ბრძოლაში არიან და პლეი-ოფში გასვლის საკმაოდ რეალური შანსი აქვთ, რადგან მეორეადგილოსან „ფეიენოორდს“ ერთადერთი ქულით ჩამორჩებიან.

დღესვე, პრაღის "სპარტამ" შინ გლაზგოს "სელტიკი" 4:1 დაამარცხა. ჩვენთვის საინტერესო და ყურადსაღები ის გახლვათ, რომ ჩეხური გუნდის განაცხადში 19 წლის ქართველი მცველი ივა გელაშვილი იყო. ის "სპარტას" აკადემიაში თამაშობს, მაგრამ ევროპა ლიგაზე ამ ეტაპზე თუნდაც თადარიგში მოხვედრა აღსანიშნავია. ჩეხურ გუნდს 6 ქულა აქვს, "ლილსა" და "მილანს" ჩამორჩება, თუმცა ჯგუფიდან გასვლისთვის იბრძვის.

0.157844