კატალონიის „ბარსელონასთვის“ მიმდინარე სეზონი კატასტროფულად მიმდინარეობს და როგორც ჩანს, ამ გუნდის ხსნა მთავარი მწვრთნელის შეცვლა სულაც არ ყოფილა, შეიძლება ითქვას, პირიქითაც.
ყოველშემთხვევაში ლა ლიგაში ასეთი ცუდი სტარტი „ბარსას“ 1991-1992 წლების სეზონის შემდეგ არ ჰქონია. აღნიშნულ ინფორმაციას Opta ავრცელებს.
„ბლაუგრანამ“ ლა ლიგის 8 მატჩში სულ რაღაც 11 ქულა მოიპოვა და მსგავსი დაბალი შედეგი ბოლოს 29 წლის წინ ჰქონდა.
შეგახსენებთ, „ბარსელონამ“ ლა ლიგის ბოლო ტურში მორიგი უფერული მატჩი მადრიდში, „ატლეტიკოსთან“ ჩაატარა და 0:1 დამარცხდა.