ფეხბურთი

19:29 | 28.10.2020 | ნანახია [] - ჯერ

რუდიგერი "ჩელსის" დატოვებას არ აპირებს

გერმანიის ეროვნული ნაკრების მცველი ანტონიო რუდიგერი ლონდონის "ჩელსიში" რჩება და წასვლას არ აპირებს. აღნიშნული ინფორმაცია Sky Sports-მა გაავრცელა. ზაფხულის სატრანსფერო პერიოდში ფეხბურთელს ინგლისური მედია სხვადასხვა კლუბებს უკავშირებდა, თუმცა გერმანელმა ლონდონში დარჩენა გადაწყვიტა.

27 წლის მცველს "ჩელსისთან" კონტრაქტი 2022 წლის ივლისამდე აკავშირებს. მიმდინარე სეზონში ანტონიოს საკლუბო დონეზე თამაში არ ჩაუტარებია თუმცა იმედოვნებს, რომ სასტარტოში ადგილს დაიბრუნებს. გერმანიის ეროვნულ ნაკრებში რუდიგერი იოახიმ ლიოვმა ათამაშა და ნაკრებში მას ენდობიან. ასევე, ფრენკ ლამპარდმა დაადასტურა, რომ ფეხბურთელთან პოზიტიური ურთიერთობა აქვს.

რუდიგერი "ჩელსიმ" 2017 წელს "რომადან" 35 მილიონ ევროს სანაცვლოდ დაიმატა. მას შემდეგ ანტონიომ ყველა ტურნირზე 115 მატჩი ჩაატარა და ექვსი გოლი გაიტანა.

0.159806