ფეხბურთი

18:34 | 28.10.2020 | ნანახია [] - ჯერ

"ლოკომოტივის" ექსპრეზიდენტი: "გაუგებარია კვირკველია როგორ გაუშვეს, როცა ასეთი მცველები ჰყავთ"

მოსკოვის „ლოკომოტივის“ ყოფილმა პრეზიდენტმა ნიკოლაი ნაუმოვმა კლუბის ხელმძღვანელობა გააკრიტიკა გუნდიდან სოლომონ კვირკველიას გაშვების გამო. მან „ბაიერნთან“ თამაშის შემდეგ განაცხადა, რომ მოსკოვურ გუნდს კვირკველიაზე მაღალი დონის მცველი არ ჰყავს.

„რა თქმა უნდა, მურილო არ არის ცენტრალური მცველი. შემთხვევითი არ არის, რომ იური სიომინმა ის საყრდენ ზონაში გადაიყვანა და იქ ათამაშებდა. როგორ შეიძლება მცველმა ასე ინერტულად უყუროს როგორ გააქვთ მისი გუნდის კარში თავით გოლი? არ მესმის, რა საჭირო იყო სოლომონ კვირკველიას „როტორში“ იჯარით გაშვება მითუმეტეს ცენტრალური მცველების ასეთი დეფიციტის დროს. ვედრან ჩორლუკა უკვე ასაკშია და ტრავმებისკენ მიდრეკილია, სლობოდან რაიკოვიჩი საერთოდ გაუგებარია როგორ მოხვდა „ლოკომოტივში“. კვირკველიას წასვლა კლუბის მენეჯმენტის“ შეცდომაა“, - თქვა ნაუმოვმა.

შეგახსენებთ, სოლომონ კვირკველია მოსკოვის „ლოკომოტივში“ 2017 წლის იანვრიდან თამაშობდა და 2019 წლის ზაფხულამდე პრაქტიკულად თამაში არ გაუცდენია. თუმცა, შემდეგ ძირითად შემადგენლობაში ადგილი დაკარგა და „როტორში“ გაანათხოვრეს.

ქართველი მცველი რუსეთის პრემიერლიგის მე-12 ტურის სიმბოლურ ნაკრებში მოხვდა და სწორედ „ლოკომოტივის“ წინააღმდეგ კარგი თამაშის დამსახურებით.

0.107582