რუსეთის პრემიერლიგის მე-11 ტურში ვოლგოგრადის „როტორმა“ „ტამბოს“ უმასპინძა და მორიგი მარცხი განიცადა (0:2). კორონავირუსისგან ზურიკო დავითაშვილი გამოჯანმრთელდა და ძირითად შემადგენლობაში იყო.

ქართველმა 77-ე წუთამდე ითამაშა და პირველი ტაიმი აქტიურიც იყო. 26-ე წუთზე მან ბურთი ძელსაც მოარტყა, იმავე ეპიზოდში სტუმრებმა საჯარიმოში ხელით ითამაშეს და პენალტი დაინიშნა, რომელიც დავითაშვილმა შეასრულა, მაგრამ გამოცდილმა მეკარემ, რიჟიკოვმა აჯობა.

მეორე ნახევარში ვოლგოგრადელებმა ორი უპასუხო გოლი გაუშვეს და ისევ წააგეს. დავითაშვილი 77-ე წუთზე ბექა მიქელთაძემ შეცვალა, სოლომონ კვირკველია კი სათადარიგო სკამზე დარჩა. შეუცვლელად ითამაშადა ჯოვინო ფლამარიონმა, „დინამო ბათუმის“ ყოფილ შემტევმს პირველ ტაიმში ძალიან მაგარი საგოლე შანსი ჰქონდა, მაგრამ ამ შემთხვევაშიც რიჟიკოვი ბრწყინვალე იყო.

ვოლგოგრადის „როტორს“ 11 ტურის თავზე მხოლოდ 3 ქულა აქვს და სატურნირო ცხრილში ბოლო ადგილზეა.