კატალონიის „ბარსელონამ“ ამსტერდამის „აიაქსიდან“ ნიჭიერი მარჯვენა მცველი სერჟინო დესტი დაიმატა. როგორც „ბლაუგრანას“ ვებგვერდი იტყობინება, ამერიკელმა 5-წლიანი კონტრაქტი გააფორმა.

„აიაქსმა“ ტრანსფერის სანაცვლოდ 21 მილიონი ევრო მიიღო, რასაც 5 მილიონი ევრო ბონუსების სახით დაემატება. ფეხბურთელის გამოსასყიდი თანხა კი 400 მილიონი ევროა.

სერჟინო დესტი „აიაქსის“ მთავარ გუნდში 2019 წლიდან თამაშობდა და 38 მატჩში 2 გოლის გატანა მოახერხა.