ნიკოლოზ ბასილაშვილის წარუმატებელი სერია გრძელდება. ქართველი ჩოგბურთელი რომის საერთაშორისო ტურნირს პირველივე წრეში უშანსო მარცხით გამოეთიშა.

ბასილაშვილი იტალიელ ლორენცო სონეგოს დაუპირისპირდა, რომელიც მსოფლიო რეიტინგის 47-ე ნომერია და წინააღმდეგობა პრაქტიკულად ვერ გაუწია.

თამაში 1 საათსა და 21 წუთს გაგრძელდა და იტალიელმა 6:3, 6:1 იმარჯვა. ნიკამ უკვე ზედიზედ მე-6 თამაში წააგო და კორონავირუსის პანდემიის შემდეგ განახლებულ სეზონს ფორმაში აშკარად ვერ შეხვდა.

ქართველი ჩოგბურთელი ამდენი წარუმატებლობის ფონზე ATP-ს რეიტინგში პოზიციებს თმობს და ამჟამად 32-ე ადგილზე იმყოფება.