„ფერარის“ ყოფილმა შეფმა, ამჟამად კი საერთაშრისო საავტომობილო ფედერაციის (FIA) პრეზიდენტმა ჟან ტოდტმა, წინა კვირაში მიხაელ შუმახერი მოინახულა. რის შემდეგაც განაცხადა, რომ მსოფლიოს შვიდგზის ჩემპიონი, კვლავ იმ უმძიმესი ტრავმების შედეგებს ებრძვის, რომლებიც დაახლოებით შვიდი წლის წინთ, საფრანგეთის ალპებში, თვილამურებით დაშვებისას, დაცემის შედეგად მიიღო.

შუმახერი ამჟამად ჟენევის ტბასთან მდებარე საკუთარ ვილაში იმყოფება და იქ გადის რეაბილიტაციის კურსს. ლეგენდარული გერმანელი იმ სავალალო შემთხვევის შემდეგ, საზოგადოების წინაშე არ გამოჩენილა. ოჯახს მისი ცხოვრება მკაცრად გასაიდუმლოებული აქვს.

74 ტოდტი იმ იშვიათთაგანია, ვისაც 51 წლის შუმახერის მონახულების საშუალება აქვს და მას პერიოდულად სტუმრობს ხოლმე. იმ პერიოდში, როცა შუმახერმა თავისი შვიდიდან ხუთი ტიტული „ფერარისთან“ ერთად მოიპოვა, ტოდტი იტალიური გუნდს შეფი იყო.

„მე მიხაელი წინა კვირაში მოვინახულე, ის კვლავ იბრძვის. მას შესანიშნავი მეუღლე უდგას გვერდით, მას ჰყავს შვილები. ჩვენ ყველა საუკეთესოს ვუსურვებთ. მე შემიძლია მის გვერდით ყოფნა და როგორც კი საშუალება მეძლევა, ვნახულობ“, - ამბობს ტოდტი.

თავისი 91 გამარჯვებიდან, შუმახერს 72 „ფერარის“ მანქანებთ აქვს მოპოვებული. იტალიურ გუნდს მუჯელოს ტრეკზე, ფორმულა 1-ში მე-1000 რბოლა აქვს. მის რეკორდბს კი ლუის ჰამილტონი ემუქრება. ბრიტანლს შანსი აქვს, მუჯელოზე 90-ე გამარჯვება მოიპოვოს და შუმის რეკორდამდე ერთიღა დარჩება. გარდა ამისა, ჰამილტონი ამ სეზონში მეშვიდე ტიტულის მოპოვებასთანაც ახლოსაა.

„ლუისი მიხაელის ყველა რეკორდს გააუმჯობესებს. ის ძალიან ნიჭიერი მრბოლია. მას აქვს ძლიერი მოტივაცია და საუკეთესო გუნდის მანქანით ასპარეზობს. მის განკარგლებაში საუკეთესო ძრავია. მოკლედ, ყველა ინგრედიენტი აქვს იმისთვის, რომ საუკეთესო იყოს. ჩვენ გვეგონა, რომ მიხაელის რეკორდები დიდხანს დარჩებოდა, მაგრამ რეგლამენტის სტაბილურობამ ლუისს და მერსედესს ხელი შეუწყო“, ამბობს ტოდტი და დსსძენს:

„ამ ორი მრბოლიდან, ერთს ძალიან კარგად ვიცნობ, მეორეს კი - ზედაპირულად. ისინი ერთმანეთისგან ძალიან განსხვავდებიან, მაგრამ ორივეს ერთნაირი გატაცება, პროფესიონალიზმი, ფიზიკური სიძლიერე და ნიჭი აქვს, რაც მათ გამორჩეულს ხდის“.