ფორმულა 1-ის მსოფლიო ჩემპიონატის ლიდერმა ლუის ჰამილტონმა, მუჯელოს ტრეკზე, ტოსკანას პირველი დიდი პრიზის კვალიფიკაცია მოიგო და „ფერარის“ მეათასე რბოლას, მოწინვე პოზიციიდან დაიწყებს. სტარტზე პირველი რიგი კი კვლავ „მერსედესისაა“ მეორე პოზიციაზე ვალტერი ბოტასი დადგება.

მომდვნ ორი პოზიცია „რედ ბულისაა“ და მხოლოდ მეხუთეა იუბილარი გუნდის პილოტი შარლ ლეკლერი. თუმცა ბელგიის და იტალიის დიდი პრიზების შედეგების გათვალისწინებით, ეს მისთვისაც და „ფერარისთვისაც“ კარგ შედეგად უნდა ჩაითვალოს. მაგრამ სებასტიან ფეტელმა მხოლოდ მე-14 შედეგი გაახერხა.

ჰამილტონისთვის მუჯელოზე მოპოვებული პოული, მიმდინარე სეზონში მეშვიდე, კარიერაში კი 95-ეა. „მერსედესს“ კი წელს ცხრავე კვალიფიკაცია აქვს მოგებული. ბოტასს კარგი შანსი ჰქონდა, მოქმედი ჩემპიონი უკან მოეტოვებინა - ის საუკეთესო იყო პრაქტიკებზეც და კვალიფიკაციის დასაწყისშიც. მაგრამ როცა ბოლო ცდას ასრულებდა, ამ დროს ესტებან ოკონს ინციდენტი შეემთხვა, რის გამოც, ტრასაზე ყვითელი შუქის რეჟიმი ჩაირთო.

ტოსკანას ფერარის 1000 დიდი პრიზი

კვალიფიკაცია

Q3

1. ლუის ჰამილტონი (ბრიტანეთი, მერსედესი) 1:15.144
2. ვალტერი ბოტასი (ფინეთი, მერსედესი) 1:15.203
3. მაქს ფერსტაპენი (ჰოლანდია, რედ ბული) 1:15.509
4. ალექს ალბონი (ტაილანდი, რედ ბული) 1:15.954
5. შარლ ლეკლერი (მონაკო, ფერარი) 1:16.270
6. სერხიო პერესი (მექსიკა, რეისინგ პოინტი) 1:16.311
7. ლანს სტროლი (კანადა, რეისინგ პოინტი) 1:16.356
8. დანიელ რიკარდო (ავსტრალია, რენო) 1:16.543
9. კარლოს საინსი (ესპანეთი, მაკლარენი) 1:17.870
10. ესტებან ოკონი (საფრანგეთი, რენო) DNF

Q2

1. ლანდო ნორისი (ბრიტანეთი, მაკლარენი) 1:16.640
2. დანიილ კვიატი (რუსეთი, ალფატაური) 1:16.854
3. კიმი რაიკონენი (ფინეთი, ალფა რომეო) 1:16.854
4. სებასტიან ფეტელი (გერმანია, ფერარი) 1:16.858
5. რომენ გროჟანი (საფრანგეთი, ჰაასი) 1:17.254

Q1

1. პიერ გასლი (საფრანგეთი, ალფატაური) 1:17.125
2. ანტონიო ჯოვინაცი (იტალია, ალფა რომეო) 1:17.220
3. ჯორჯ რასელი (ბრიტანეთი, უილიამსი) 1:17.232
4. ნიკოლას ლატიფი (კანადა, უილიამსი) 1:17.320
5. კევინ მაგნუსენი (დანია, ჰაასი) 1:17.348