ლუის ჰამილტონმა კიდევ ერთი, კარიერაში 93-ე პოულ პოზიცია ბელგიის დიდი პრიზის საკვალიფიკაციო რბოლაში მოიპოვა. მან სპა ფრანკორშანის 7-კილომეტრიანი წრე 1 წუთსა და 41.252 წამში გაიარა, რაც ტრეკის რეკორდია. მსოფლიო ჩემპიონმა 0.511 წამით აჯობა თანაგუნდელ ვალტერი ბოტასს, ვისთან ერთადაც, სტარტზე მოწინავე რიგს დაიკავებს.
დანარჩენებს შორის საუკეთესო, კვლავ მაქს ფერსტაპენია, ვინც ბოტასს 0.015 წამით ჩამორჩა. სტარტზე მასთან ერთად, მეორე რიგში მისი ყოფილი თანაგუნდელი, დანიელ რიკარდო დადგება.
35 წლის ჰამილტონისთვის, ეს შვიდ რბოლაში მოპოვებული მეხუთე პოულია, რომელიც ფილმ „შავი პოანტერას“ ვარსკვლავის, ახლახანს კიბოთი გარდაცვლილი ჩედვიკ ბოშმანის ხსოვნას მიუძღვნა. ჰამილტონს სპაზე პოული უკვე ექვსჯერ აქვს მოგებული.
აღსანიშნავია, რომ „მერსედესმა“ ბელგიის კვალიფიკაციაზე უკანასკნელად გამოიყენა ძალური დანადგარის სპეციალური რეჟიმი „პარტი მოუდ“ (წვეულების რეჟიმი), რომელიც მოკლე დროში, ავტომობილს დამტებითი სიმძლავრით უზრუნველყოფს. იტალიის დიდი პრიზიდან, ამ რეჟიმის გამოყენება აკრძალულია.
მოწინავე ათეულში შესვლა, „ფერარის“ ვერცერთმა პილოტმა ვერ შეძლო. შარლ ლეკლერი (ბელგიის შარშანდელი დიდი პრიზის გამარჯვებული) და სებასტიან ფეტელი შესაბამისად, მე-13 და მე-14 შედეგებს დასჯერდნენ.
ბელგიის დიდი პრიზი
კვალიფიკაცია
- ლუის ჰამილტონი (ბრიტანეთი, მერსედესი) 1’41.252
- ვალტერი ბოტასი (ფინეთი, მერსედესი) 1’41.763
- მაქს ფერსტაპენი (ჰოლანდია, რედ ბული) 1’41.778
- დანიელ რიკარდო (ავსტრალია, რენო) 1’42.061
- ალექს ალბონი (ტაილანდი, რედ ბული) 1’42.264
- ესტებან ოკონი (საფრანგეთი, რენო) 1’42.396
- კარლოს საინსი (ესპანეთი, მაკლარენი) 1’42.438
- სერხიო პერესი (მექსიკა, რეისინგ პოინტი) 1’42.532
- ლანს სტროლი (კანადა, რეისინგ პოინტი) 1’42.603
- ლანდო ნორისი (ბრიტანეთი, მაკლარენი) 1’42.657
- დანიილ კვიატი (რუსეთი, ალფატაური) 1’42.730
- პიერ გასლი (საფრანგეთი, ალფატაური) 1’42.745
- შარლ ლეკლერი (მონაკო, ფერარი) 1’42.996
- სებასტიან ფეტელი (გერმანია, ფერარი) 1’43.261
- ჯორჯ რასელი (ბრიტანეთი, უილიამსი) 1’43.468
- კიმი რაიკონენი (ფინეთი, ალფა რომეო) 1’43.743
- რომენ გროჟანი (საფრანგეთი, ჰაასი) 1’43.838
- ანტონიო ჯოვინაცი (იტალია, ალფა რომეო) 1’43.950
- ნიკოლას ლატიფი (კანადა, უილიამსი) 1’44.138
- კევინ მაგნუსენი (დანია, ჰაასი) 1’44.314
