ქართველი კალათბურთელის გოგა ბითაძის „ინდიანა პეისერსმა“ მთავარი მწვრთნელის თანამდებობიდან ნეიტ მაკმილანი დაითხოვა. აღნიშნული ინფორმაცია კლუბის ხელმძღვანელობამ ოფიციალურად დაადასტურა.
56 წლის სპეციალისტის გათავისუფლების მიზეზად პლეი-ოფში წაგებული ოთხივე შეხვედრა დასახელდა.
ამერიკელმა მწვრთნელმა „პეისერსი“ 2016 წელს ჩაიბარა. მას შემდეგ გუნდმა 329 შეხვედრა ჩაატარა, რომელთაგანაც 183 მოიგო 136-ში კი დამარცხდა. 2013-2016 წლებში ის ამავე გუნდში ასისტენტის თანამდებობაზე მუშაობდა.
აღსანიშნავია ისიც, რომ მაკმიანი გოგა ბითაძეს დიდად არ სწყალობდა, პლეი-ოფის შეხვედრებში კი ქართველს თამაშის უფლება არც მისცემია. უშუალოდ „ინდიანამ“ სერიაში „მაიამი ჰიტთან“ 4:0 წააგო და ასპარეზობას გამოეთიშა.
