ფეხბურთი

1:18 | 27.08.2020 | ნანახია [] - ჯერ

ჩემპიონთა ლიგა: ქართველი ლეგიონერების ერთი გუნდი მომდევნო ეტაპზე გავიდა, მეორე - გავარდა

ჩემპიონთა ლიგის მეორე საკვალიფიკაციო ეტაპზე ორი ქართველი ფეხბურთელის კლუბმა ითამაშა, ერთი მომდევნო ეტაპზე გავიდა, მეორე ტურნირს გამოეთიშა.

პოლონეთის ჩემპიონი, ვაკო გვილიას „ლეგია“ ნიქოზიის „ომონიას“ დაუხვდა და მარცხი განიცადა. შეხვედრა დაძაბული გამოდგა, ძირითად დროში გოლი არ გასულა, ხოლო დამატებით დროში კვიპროსელებმა გაიტანეს და 1:0 იმარჯვეს. გვილია ძირითად შემადგენლობაში იყო და მე-60 წუთზე შეცვალეს. ვარშაველები ჩემპიონთა ლიგას გამოეთიშნენ, მაგრამ ევროპა ლიგაზე გადაინაცვლებენ.

სამაგიეროდ მესამე საკვალიფიკაციო ეტაპზეა ლაშა დვალის „ფერენცვაროში“. უნგრეთის ჩემპიონმა გლაზგოში, შოტლანდიის ჩემპიონი „სელტიკი“ 2:1 დაამარცხა. სერგეი რებროვმა დვალი მატჩის მიწურულს, 86-ე წუთზე ჩართო თამაშში, როდესაც მისი გუნდი იგებდა და ანგარიშის შენარჩუნებაზე ზრუნავდა. ამრიგად, „ფერენცვაროში“ აგრძელებს ასპარეზობას და ჯგუფურ ეტაპამდე ორი ბარიერის დაძლევა სჭირდება.

0.148859