საფრანგეთის ეროვნული ნაკრების მეკარემ სტივ მანდანდამ "მარსელთან" კონტრაქტი 2024 წლამდე გაახანგრძლივა. აღნიშნული ინფორმაცია ფრანგული კლუბის ოფიციალურმა ვებგვერდმა გაავრცელა.

მანდანდა "ლე ავრის" აკადემიის აღზრდილია და "მარსელში" 2007 წელს გადავიდა. "ოლიმპიკის" მაისურით სტივმა 549 მატჩი ჩატარა, გაუშვა 600 გოლი და 181 შეხვედრაში კარის მშრალად შენახვა მოახერხა. სტივი საფრანგეთის ჩემპიონი ერთხელ გახდა, თასი და სუპერთასი კი სამ-სამჯერ მოიგო. მანდანდა 2018 წლის მსოფლიოს ჩემპიონია.