ჩემპიონთა ლიგის კვირის საუკეთესო ფეხბურთელად სერჟ გნბრი დასახელდა. მიუნხენის „ბაიერნის“ ნახევარმცველმა ჩემპიონთა ლიგის ნახევარფინალურ მატჩში, რომელიც „რეკორდმაისტერმა“ „ლიონის“ წინააღმდეგ ჩაატარა დუბლი გაიფორმა.
25 წლის გერმანელმა თანაგუნდელ რობერტ ლევანდოვსკის, ასევე პსჟ-ს ფეხბურთელებს - ანხელ დი მარიასა და ნეიმარს აჯობა.
შეგახსენებათ, ბაიერნმა „ლიონი“ 3:0 დაამარცხა და ჩემპიონთა ლიგის ფინალში 23 აგვისტოს, ფრანგულ „პარი სენ ჟერმენს“ დაუპირისპირდება.