თამაშგარე

11:47 | 11.08.2020 | ნანახია [] - ჯერ

ელენ ფოკემე ისტორიას წერს

აქამდე არავინ იცოდა, 19 წლის ნიდერლანდელი ქალი ფეხბურთელის, ელენ ფოკემეს შესახებ. ახლა კი დიდი შანსია, რომ მომავალი მსოფლიო ფეხბურთის ისტორია სწორედ ამ 19 წლის გოგონამ (სხვათა შორის მისთვის სრულიად დაუგეგემვად და მეტიც - წარმოუდგენელად) დაწეროს.

საქმე იმაშია, რომ ისტორიაში პირველად, ჰოლანდიის დაბალლიგელმა საფეხბურთო კლუბმა “ფოარუტმა“გადაწყვიტა, რომ გაითვალისწინოს ფეხბურთის ფედერაციის რეკომენდაცია და მამაკაცთა საფეხბურთო კლუბში გოგონაც ჩვეულებრივად დაუშვას. ეს ერთგვარი ექსპერიმენტია და თუკი გაამართლებს, მერე ალბათ ამ კლუბს სხვებიც მიბაძავენ.

სხვათა შორის, ელენ ფოკემესთვის ბიჭებთან ერთად თამაში უცხო ნამდვილად არაა. იგი ბავშვობიდან ბიჭების გუნდში თამაშობდა და ისეთ პატარა სოფელშია გაზრდილი, სადაც გოგოების გუნდი უბრალოდ ვერ შეიკრიბა და მისი მეგობარი გოგონებიც ბიჭების ბავშვთა კლუბში სწავლობდნენ ფეხბურთს.

0.145323