მადრიდის „რეალი“ ტურინის „იუვენტუსს“ პაულო დიბალას სანაცვლოდ წინადადებას უმზადებს. ფლორენტინო პერესი არგენტინელ თავდამსხმელს „სანტიაგო ბერნაბეუზე“ ეპატიჟება და როგორც ჩანს, იტალიურ გუნდის მოსახიბლად არაფერს იშურებს.
SportMediaset-ის ინფორმაციით, მადრიდელები დიბალას შესაძენად ფულს და ისკო ალარკონსა და ტონი კროოსს შორის ერთ-ერთს ჩამოდიან. მთლიანობაში ტრანსფერის ღირებულება 100 მილიონ ევროს აჭარებებს.
წყარო გვამცნობს, რომ ტურინელები დიბალას გაყიდვას არავითარ შემთხვევაში ამ ეტაპზე არ გეგმავენ, მაგრამ ფინანსური მდგომარეობიდან გამომდინარე გამორიცხული არაფერია. შესაბამისად, ყველაფერი ესპანელთა შეთავაზებაზე და მონდომებაზე იქნება დამოკიდებული.
დიდი ხანია დიბალასა და „იუვეს“ შორის ახალი კონტრაქტის გაფორმებაზე აქტიური საუბარი მიმდინარეობს, მაგრამ ჯერ არაფერი გაოფიციალურებულა და არგენტინელი ისევ 2022 წლამდეა „იუვენტუსის“ ფეხბურთელი.
პაულომ 2019-2020 წლების სეზონი მაღალ დონეზე ჩაატარა, ყველა ტურნირის ჩათვლით 46 თამაშში 17 გოლი გაიტანა და სერია A-ს სეზონის საუკეთესო ფეხბურთელად დასახელდა.
