ფრანგული „პარი სენ ჟერმენი“ კრიშტიანუ რონალდუს გადაბირებას ცდილობს. Foot Mercato წერს, რომ მხარეებმა მოლაპარაკებები დაიწყეს.
კერძოდ, რონალდუს აგენტი ჟორჟე მენდეში პსჟ-ს სპორტულ დირექტორ ლეონარდოს ესაუბრება და ლისაბონში ჩემპიონთა ლიგის „რვათა ფინალის“ დროს მოლაპარაკებებს კვლავ გააგრძელებენ.
რონალდუსა და პსჟ-ს ურთიერთობის შესახებ ამასწინათ France Football-იც წერდა. პორტუგალიელს „იუვენტუსთან“ კონტრაქტი 2022 წლის 30 ივნისამდე აქვს გაფორმებული.
2019-2020 წლების სეზონში რონალდუმ ყველა ტურნირის ჩათვლით 46 მატჩი ჩაატარა და მეტოქეთა კარში 37 გოლი გაიტანა.