იტალიური ფეხბურთის ლეგენდამ და ბევრისთვის ყველა დროის გამორჩეულმა მცველმა ფრანკო ბარეზიმ თანამედროვეობის საუკეთესო მცველი დაასახელა.
იტალიელს არჩევანის გაკეთება გაუჭირდა, მაგრამ მიაჩნია, რომ ასეთი სერხიო რამოსია.
„მცველებს შორის არჩევანის გაკეთება ადვილი არაა, თუმცა ვფიქრობ, რომ ამ წლების განმავლობაში სერხიო რამოსი ერთ-ერთი საუკეთესო იყო და არაჩვეულებრივი კარიერა აქვს. ის ჯერ კიდევ მნიშვნელოვანი ფიგურაა „რეალისთვის“ მიუხედავად იმისა, რომ ახალგაზრდა აღარ არის“, - თქვა ბარეზიმ.
