დინამო სეზონისთვის ემზადება. და, დინამოსთან ერთად ემზადება 18 წლის ირაკლი კილაძე.
უნივერსალი, რომელიც იღებს დროს, ნდობას. და, რომელსაც აქვს პერსპექტივა.
თუ, ბიჭი საკუთარ თავზე მუშაობას გააგრძელებს.
ბლიცი გიორგისთან NBA-ს სეზონის განახლებასთან დაკავშირებით. და, თემაში დინამოც არის.
3 საყვარელი მოთამაშე.
ირაკლი კილაძე: ლებრონ ჯეიმსი, კრის მიდლტონი, ჯიმი ბატლერი.
ვინ გახდება ჩემპიონი?
ი.კ: მთავარი ფავორიტი ლეიკერსია. ძალიან ეფექტურია მთლიანად, გუნდის სისტემა. ამ სისტემაში კარგად არის დაბალანსებნული ნიჭი, მონდომება, გამოცდილება და ახალგაზრდების ენერგია. პლიუს, ლეიკერსში თამაშობს (ჩემი აზრით) ყველა დროის საუკეთესო კალათბურთელი ლებრონ ჯეიმსი. აქ არის გამოცდილება და ეს ლეიკერსს ჩემპიონობის კარგ შანსებს აძლევს.
ახალი სეზონი დინამოსთან ერთად.
ი.კ: ამ სეზონისგან ბევრს ველოდები. ვფიქრობ, ეს იქნება გადამწყვეტი ეტაპი ჩემს კარიერაში. ეს არის კარგი დრო განვითარებისთვის და ვეცდები, რომ დინამოს ჩემპიონობისთვის ბრძოლაში დავეხმარო. მინდა, მაქსიმუმი მივცე კლუბს და გამოვიყენო ყველა წუთი, წამი, რომელსაც დინამოში გავატარებ.
